تجربه صعبه انا مضغوط جدااااا وتعبان جداااا السبب هو انا سنى 25 سنه خلصت كليه تجاره واشتغلت من الاجازات وبعد الكليه فى اكتر من حاجه كانت اولها السياحه وسيبتها بسبب جوها الغير روحى بعدين اشتغلت فى مندوب وكان منتج ضعيف جدا وصعب توزيعه والنتيجه خلافات مع الاداره واستحملت سنه بالعافيه لحين ان ربنا يبعت الاحسن وفعلا سيبتها وربنا بعت شغل فى مصر تبع شركه لابحاث تسويق وكنت طلبت حاجات من ربنا اتحققت فى الشغلانه دى كمعامله محترمه وفى بلدى وبمرتب كويس استقريت فيها وعديت مراحلها المتعبه وابتديت انجح فيها وكنت محبوب جداا من كل الفئات هناك .... القصه بدات من هنا اصحاب ليا سافرو دول عربيه اشتغلو فى اماكلن كويسه ومنها بنوك وابتديت افكر فى الموضوع شويه شويه وجانى تليفون من اخويا من الكويت وقالى سيب الشغل وخد كورس وتعالى هنا المقابل هايكون اعلى بكتير وكانت كل البوادر بتقول اه والظروف كلها مواتيه من كل النواحى اراء اصحاب واقارب والاسره المهم بردو خفت اضحى بالشغل اللى فى ايدى لانى مش هاعوض مميزاته بسهوله لانى تعبت كتير وعارف الشغل بره ايه لكن قدام الاغراءات دى ابتديت افكر لمده شهرين واقول يارب لتكن ارادتك وعايز اعرف صوتك ومش عايز اخخد القرار الخطا وجه فى بالى اروح لابونا فانوس البحر الاحمر لما تعبت من التفكير وقولت يارب ارشدنى على لسانه قالى ربنا معاك حاولت اخليه يختار كويت ولا شغلى اللى هنا مارضيش وقالى ربنا معاك تانى اضايقت لانى عايز اللى يرشدنى ويريحنى المهم لما العوامل كلها كانت تمام وبتقول اه للسفر سيبت الشغل وتعبت جداااا لمده 8 شهور علشان اخد الكورس وفعلا خلصته بعد اجتهاد ومزاكره ونجاح فيه بشهاده الكل بالرغم من انه كان بعيد جدا عن مكانى لكن هدفى وطموحى اجبرنى استحمل اى متاعب خلصت الكورس من هنا وجات الضربه الاقتصاديه من هناتعبت جدااااا لما فرصه السفر ضاااااقت وبالاخص انى ضحيت بشغل مش هاعرف اعوضه بسهوله والعمر بيجرى وانا ليا 8 شهور مشلول ومستغرب الموقف وبعاتب ربنا ليه سيبتنى اسيب الشغل مع انك يارب عارف انى مش هانجح فى اى شغلانه لانى حساس جدا وبحب معامله كوويسه ودى انت وفرتهالى فى الشغل ده ليه ضيعته من ايدى وماقولتليش لا للسفر وكانت كل العوامل بلا استثناء تويد السفر وبعدين كل العوامل بلا استثناء رفضت السفر وبقيت مش اقدر وليا ليا نفس اشتغل فى اى شغلانه لانى عارف انى مش هاجمع بسهوله حاجه ذى الللى فاتت وهابتدى لسه تانى اجرب والعمر لسه بيرى والحافز اللى كان عندى انى اتعب راح بسبب صعوبه الموقف والتضحيات اللى قدمتاه ليييييييييييييييه ياجدو حصل كده انا ببكى كل يوم ومش عارف الحل خصوصا انى مش بنجح فى اى شغل بسهوله والشغل الاخير جه بعد 5 حاجات اشتغلتهم وكان خلاص الافضل وفى بلدى فى الصعيد وسط اهلى مع العلم انى بكره مصر جدااااااااا وللاسف شغلى المفروض هايكون فيها لان الصعيد مافيهوش ليييييييييييييييييييييييييييه اللى حصل ده حد يجاوبنى لانى تعبااااااااااااااان جدا وايييييييييه الحل ياريت تبلغونى وفى اسرع وقت ....... شكرا على اهتمامكم
ميخا
ميخا
