لى يارب عملت كدا؟؟؟؟؟؟؟؟؟؟؟؟؟؟؟؟

عتــــــــاب محبة


وللوقت ألزم يسوع تلاميذه ان يدخلوا السفينة ويسبقوه الى العبر حتى يصرف الجموع. وبعدما صرف الجموع صعد الى الجبل منفردا ليصلّي.ولما صار المساء كان هناك وحده. واما السفينة فكانت قد صارت في وسط البحر معذبة من الامواج.لان الريح كانت مضادة. وفي الهزيع الرابع من الليل مضى اليهم يسوع ماشيا على البحر. فلما ابصره التلاميذ ماشيا على البحر اضطربوا قائلين انه
خيال.ومن الخوف صرخوا. فللوقت كلمهم يسوع قائلا تشجعوا.انا هو.لا تخافوا. متى22:14-27.


ليه يارب عملت كده؟ الاول الزمت التلاميذ انهم يدخلوا السفينه وحدهم وانت عارف ان البحر هيهيج عليهم وان الامواج هتعذبهم!

وبعد كده كمان تركتهم من المساء معذبين فى وسط البحر يصارعون الامواج ولم تذهب اليهم الا فى الهزيع الرابع!!!لماذا يارب تركتهم كل هذا الوقت الطويل ولماذا لم تذهب اليهم من الاول وهما أكيد كانوا بيصرخوا ليك ومحتاجينك قوى!!!



ليه يارب ؟انا عايز اعرف عشان انا كمان زيهم سفينه حياتى فى وسط البحر معذبه من امواج الضيقات و التجارب وانت يارب شايفنى من المساء و انا بناديللك وانت برضوا سايبنى وبتتأخر عليا!! وانت كنت عارف كمان يارب من البدايه انى هتعب ومع ذلك الزمتنى انى ادخل بالسفينه فى وسط البحر وانا ضعيف قوى يارب وسفينتى مش هتقدر على الامواج و الرياح ......بتتأخر ليه يارب؟؟؟

حبيبى ....

أنا لم اتركك ابداً انا سبتك تدخل فى وسط البحر و انا عارف انك هتتعب علشان اعلمك حاجات مهمه قوى.

اول حاجه انك تتعلم الصلاه تتعلم تندهلى وتكلمنى بعد ما تتعب من كتر مانديت الناس و محدش سمعك فتعرف انك لازم تتكلم معايا انا ومش بس كده لا انا كمان عايزك تتعلم اللجاجه فى الصلاه تتعلم انك تفضل تصلى و تطلب بلجاجه حتى لو اتأخرت عليك وتكون واثق انى سامعك ولا تنسى "صلوا كل حين ولا تملوا"

تانى حاجه عايز اعلمهالك هى الجهاد لازم ياحبيبى تتعلم انك تجاهد وتصارع كل الضيقات وتتعلم انك لازم تعمل كل اللى عليك ولا تستسلم لازم تبقى قوى وتصبر وتطلبنى وانت واثق انى هقويك انك تجاهد وتنتصر كمان

وتالت حاجه ياحبيبى عايزك تتعلم انك تحس بالاخرين وانت مش هتحس بيهم الا اذا انت كمان مرت بك ضيقات و الام زيهم وقتها بس هتعرف هما تعبانين قد ايه و تعرف تساعدهم و تقويهم عشان انت كنت زيهم

وأخر حاجه ياحبيبى عايز اخليك تشوفنى وانا جايلك ماشى على المياه فوق كل الامواج اللى تعباك عايزك تشوف يدى القويه و عجائبى اللى مكنش ممكن تشوفها غير لو عديت فى البحر الهايج فتعلم وتثق انى انا الوحيد القادر على انقاذك مهما اللى انت فيه وان كل قوى العالم لن تقوى عليك وانت معايا.


عشان كده ياحبيبى انا اتأخرت بس عايز اطمنك ان عينى دايما عليك وايدى بتحافظ عليك حتى وانت الان فى وسط الضيقات
لا تخف تشدد وتشج انا معك فقط اطلبنى و انتظرنى لانى سأتى اليك قريبا ماشيا على الماء


اتمنى يكون الموضوع عجبكوا
ورد على اى سوال فى ذهنكوا
ويارت دايما نقول
انتظارا انتظرت الرب فمال الى وسمع صراخى
هيجى الوقت الى هينقذك فى يسوع


يقول قداسة البابا شنودة

لابد انه سيفتقدك
ولو فى الهزيع الاخير فى منتصف الليل
ولو بعد ان يضظرب البحر
ويخيل لك ان السفينة ستنقلب
انه لن يتركك بل ستدركك رحمته
ولو ساعة الموت ولو قبل ذلك بقليل
نعم لن يتركك

حقا ان الله لا يترك كل محتاج اليه فانا لمست ذلك فى كثير من المشاكل التى مرت بى وتمر بى وانا اطلب من الله ان يتدخل فى الشاكل التى تمر بى ورجاء محبة صلوا من اجلى