غلطان في حبيبك ...........لية متعتذرلوش؟؟؟؟

[size=29]هنتكلم فى فن الاعذار وليس الاعتذار يعنى ايه؟؟
اكيد كل واحد فينا ليه اخطاء وده طبع فى البشروبالذات فى حياتنا اللى احنا عايشنها دلوقتى
يعنى زى ما الانسان ليه لحظات نجاح وحب وفرح ودى امور طبيعيه فى حياتنا
اكيد ليه لحظات فشل وخطاولحظات بتقع فيها وبتزعل فيها من نفسك وبتبقى مش عايز تفتكرها
طيب يعنى لازم تفتكر انك زى مابتعمل حاجات كويسه انت ممكن تغلط
وزى مانت ممكن تغلط غيرك ممكن يغلط صح
طيب لو قلت لاء يبقى لازم تجاوب على الاسئله دى
ليه لما بنغلط بنقعد نقول فى اعذار ومبررات واحنا عارفين ان احنا غلطنيين المهم منعترفش باخطائنا ومنعتذرش ؟
ليه مبنعترفش بأخطائنا واحنا عارفين ان كل واحد ممكن يغلط؟
ليه دايما بنبقى حاطين فى دماغنا ان الاعتذار ده ضعف واهانه ؟
لو قدرت تجاوب على الاسئله دى هتقدر تعرف قيمه الاعتذار والتاسف للناس اللى انت غلطت فيهم
ليه لما تبقى غلطان فى حبيبك ماتروحش وتعتذرله بدل ما تدور على اعذار تقولهاله
انا شايف ان الاعتذار ده ميزه ومركز قوه للانسان مش ضعف والله لان الاعتذار عند الخطا بتدل على ثقتك بنفسك
دايما بنغلط لكن عندنا عندنا الاعذار جاهزهوالمبررات موجوده اسهل حاجه عندك اصلى كنت مدايق شويه
معلش من غيرتى عليك مقدرش اشوفك بتكلم واحده تانيه افتكرت بينكوا حاجه
يعنى لما بتغلط بتلاقيك عمال تدى فى اعذار ومبررات كتيير مع انك ممكن تكتفى بكلمه واحده بس انا اسف يا حبيبتى......تخيل كده
تخيل الكلمه دى هتسعدها قد ايه..؟
تحس انها مهمه فى حياتك احسن ما تحس انك بتكدب عليه
لا الواحد لما بيغلط بيفكر دايما فى الاعذار والحجج ومبيفكرش ابدا فى الاعتذار مش لانه مبيعرفش يعتذر لا
لانه شايف ان الاعتذار ده ضعف وانتقاص من شخصيته واهانه له
فلازم كل واحد فينا شاف انه غلطان يقول انا غلطان مفيهاش حاجه ويعتذر مش هيخسر حاجه
اعتذر حتى لو شايف انك لو اعتذرت مش هيقبل اعتذارك جرب مش هتخسر حاجه
الله على كلمه انا اسف كلمه جميله اوى ممكن تحول العداوه الى صداقه
الخصام الى صلح
زعل الى حب
[/size]