يالى مستعجل على الجواز بص هيبقى حالك ايه
بعد جوازك هتبقى مسئول وحالتك هستريا يا بيه
هتلاقى اللى تقولك هات ومش هتقدر تقول ليه
مش هتخلص من الاجابة وهتكره العالم واللى فيه
بعد جوازك هتنسى الفرحة وهتبقى حياتك كلها احزان
ومش هتعرف تعيش حياتك وتعيش زى شحات غلبان
الدنيا هتشيل وتحط فيك وهتبقى على طول زهقان
اللى يقولك انا زهقت وبتمنى الموت فى كل اوان
المدام عايزة مصاريف وبتقوم دايما بدور العيان
دا الهانم معيشانى فى سجن وطبعا دايما هى السجان
ولو كلمت مرة واحدة ولا اتأخرت مرة فى يوم
تلقى المحاكمة على طول وانت يا عينى راجل مظلوم
ويا سلام لو المدام حامل توديها لدكتورة على طول
دا مش كلامك دا كلام حماتك وطبعا اسمع ونفذ القول
لارضاء حماتك لتسود عيشتك وتنكد عليك وتعيش مذلول
فياريت تسمع بقى رسالتى وبلاش جواز وحزن وهم
كفاية حياتك كلها تعب ومش ناقصة كمان الغم
ونصيحتى ليك ومن الاخر اوعى تتجوز ياعم
عيش حياتك حر نفسك دا كفاية بس روقان الدم
واللى يقولك واحدة تهتم بيك قل له ربنا هو اللى بيهتم